الأحد، 10 أغسطس 2008

أوتار 3


عاليا بنت جذابه الملامح سمرا اميل للبرونزي متوسطه القامة عنيها واسعا و بني غامق شعرها اسود طويل عطرها من العطور التي تميل لرائحه الاعشاب الساحرة لابسه جيب قصيرة ضيقه من الخصر ونازله على واسع شويه و لابسه بادي اصفر هادئ مستدير استتداره واسعه من الصدر ولكنها لا تظهر أي شيئ يقول ان البنت دي بتثير نظره اللي قدامها
جسمها ملفوف مش مليان لكن مش رفيع وفنفس الوقت مشدود جلدها ناعم زي الاطفال اللي لسه مولودين
كانت عليا قاعده قصادي ومايسه بترغي كاعادتها وانا بوحي اني بسمع لكن الحقيقه كنت مش سامعه حاجه عينيها كانت جذابه حسيت بانجذاب لغموض في عنيها لكن ما اظهرتش أي حاجه في ملامحي وفاجئتني عليا بسؤال ايه رأيك بقى فالكلام اللي بتقوله مايسه ده
الحقيقه حسيت ان وشي جاب الوان الطيف ومعرفتش ارد ولحقت نفسي فثواني وقلتلها مايسه هي مايسه دي بتبطل رغي
ردت عليا دي كلامها زي السكر والله و لولا وجودها ماكنتش عارفه الوحده هتعمل فيا ايه
قلتلها: انتي ملكيش اخوات
قالتلي : لأ
اتكسف اسأل عن اهلها احسن يكونوا مش موجودين واسببلها ضيق
لكن هي قرت سؤالي في عيني وقالت: بابا اتوفى من سنتين وماما بتقضي الصيف كله عند جدتي في بورسعيد
فجأه وهي بتحكي حسيت انها قريبه مني حسيت اني مسؤله عنها وحسيت ان الدنيا كلها سكتت ومفيش غيرنا قاطعتها بسؤال جوزك بيجي كل قد ايه
قالت: المفروض كل شهرين
قلتلها وهو مسافر بقاله قد ايه
قالتلي: شهر تقريبا
قلت بسرعه: تقريبا انا كنت فكراكي بتعدي الايام من ساعه ما سافر0

حسيت ان ملامحها اتغيرت و اني قلت حاجه ماكنش يجب اني اقولها
قلتلها انا اسفه مقصدتش حاجه
قاطعتني مايسه وقالت: هي كده قطر مبتخدش بالها من المحطات الصغيره
ردت عاليا وقالت لأ ابدا مفيش أي حاجه
سكت وسكتت وبعد ثواني قالت انا لازم امشي بقى عن اذنكم
قالت مايسه: ايه ده على فين بسرعه كده وبصت مايسه ناحيتي وقالت : عجبك كده يا ام لسان طويل
انا ارتبكت ومعرفتش اقول أي حاجه
رجعت مايسه قالتلها استني طيب هوصلك قالتلها لأ ماتتعبيش نفسك والله انا همشي
رديت بسرعه قلتلها انا مورييش حاجه تسمحيلي انا اوصلك انا كمان هروح
قالت: ياجماعه بجد هعرف اروح مفيش داعي للتعب
قلتلها : والله انا كمان هروح غدير ماجتش ومادام اتأخر الوقت تبقى مش جايه
قاطعتني مايسه وقالت : اه ومادام غدير مش جايه هي مش هتقعد خليها توصلك بقى اللي يشوف كده يقول انها ساكنه في حته تانيه يابنتي دي فالعماره اللي قصادنا على طول
هزت دماغها بهدوء وقالت طيب لو مش هسببلك اي ازعاج اوك

هناك 5 تعليقات:

غير معرف يقول...

opppppa howa dah el kalam
bas ya reet tekamely
2eh elly 7asal o homa mashyeen ma3a ba3d
hal masala2 3ada beta3 el dora o 2eshtaro dora,wala 7ad menhom 7ab yeshtery 3elbet sagayer,wala masala2 3azamo 3ala ba3d b kobayteen shay fel beeet
plz kameleha ba2a balash te7amesy el wa7ed keda'beta3mely zay el mosalsalat el 3araby elly bet7'las fe aham la7za fel mosalsal
yalla balash tet2a7'ary 3alena ya fandem
byes

ألوان السما السبعه يقول...

Sola

سوري بس مش هقدر اكمل البوست قبل شهر لاني مشغوله جدا

تحياتي

غير معرف يقول...

بالانتظار البوست القادم

تحياتي

momen ahmed يقول...

تحياتي :)
في انتظار البوست القادم

وبجد البوست اكثر من رائعه
مؤمن

غير معرف يقول...

ارجو متابعة هذه المدونهhttp://mylovebakry.blogspot.com